الفساد

الفسادحتي تعليم الولاد الفساد غطاه وزاد
والقيم الناس باعوها بالدولار هما اشتروها من فلوسهم قطعوها
قطعوا ثوب العقيدة ..... القيم يا خلق هوووه القيم توب العقيدة
العقيدة النهاردة ظلط ملط بهدلوها في العراق بهدلوها في الشيشان
والا في البلقان عموماً , والا في صبرا وشاتيلا والا في غزة ورام الله
لسة بدري غير رام الله والليالي السودة هالة
شفت كام حادثة دمار للغلابة في كندهار والا إحكام الحصار
والعرب ذي الارانب والاجانب ذي غول
حد شاف سفير كابول قلت قول قول وكمل ما انت متصلط علينا
لأجل ما تنكد علينا وانت عارف الطواريء حكمها متزيد سماعنا يعني خمسة واحنا خمسة قبل ما تشرف سيادتك مضبوطين حسب القانون
فز قوم فز يللا يا ابن زاهية فز يللا وغور في داهية
واللا اقولك قبل ما تطول لسانكالكلام هايفيد في إيه
واللا يعني في إيدنا إيه وإحنا مالنا روح وقول للمسئولين
روح وقول للممزوعين .... قولهم بوش بن بوش كل عقولهم بكلمتين
روح يا فالح قولهم متقولناش هي ناقصة
يعني هي البالة ناقصة طين ..... قال سلامة بن ابراهيم هما مين المسئولين
قلت يعني انت مش عارفهم ........ طيب هقولك مش هخاف
هما حكام العرب وشيوخ والمسلمين الصراحة هما دول الغلطانيين
هما لو بيفهمونا أو لو كانوا بيسمعونا ولا كانوا بيشركونا إنما كانوا عايشين في العلالي وإحنا قال يستجهلونا
لو نعبر عنآرائنا يمنعونا يحسبوها قال مظاهرة والعداوة تبقي ظاهرة
والحرس بيفرقونا , والمصيبة يأمروهم يحسبونا قولهم يا بن ابراهيم
قولهم مركبنا واحدة خوفوكم منا ليه وإحنا خايفين منكم ليه لما نبقي يد واحدة
كان شارون ولا اسمه ايه ولا زفت الطين وبوش كان يخاف من الشعب كله
اما انتم لو وحوش وحدكم ما تخوفوش
عشموكم بالوعود والوعود تصبح فشوش والمصيبة واللي ادهي من كدة
عارف إنها حرب الابادة والوقوف ضد العبادة كله عارف انها حرب العقيدة والحكاية مش جديدة , مش حكاية بن لادن والا غيره ,,, الحكاية كل طير بيلوف بطيره من زمان بيخططوا لها ,,,, ومهدوا لها من زمان ... فرقوا بين الجيران
روح وقول يا بن ابراهيم روح وقول للمسئولين حربهم هاتدور في آسيا والعداء للمسلمين
قولهم راح نعمل إيه ولا عايزين منا إيه لما يبقي الكل خايف نعمل إيه وإنت شايف كل شد لحاف ونام واللي دافن راسه في الرمال زي النعام
سك غلي الشاي يابنحقرة او لق الشاي في الاناية فزقوم
قعدتك اخبار بغم كتكو نيلة جتكو هم
كلكم نازلين كلام إحنا ناقصين حرق دم .. فز قوم
وبعدها خظظوا لضرب العراق ....... ولكن بطريقة غير واضحة للكل
يعني بطريقة مستترة والكل يؤيد ’, ويتكتم
اولا لزقوا لها الإرهاب .............. 2003
في 2002 كان هناك مؤتمر ببيروت جاء ديكتشيني وبيلي نائب الرئيس الامريكي ......... انتي ديني رئيس المخابرات الأمريكية وكل واحد يوزع المهام علي الحكام العرب لكي يعرف كل واحد ماذا سيقول وما دوره , وجاء في هذا التوقيت لإلغاء مؤتمر قمة بيروت الذي كان سيقدم الدعم المادي والمعنوي والسلاح للمقاومة وفجأة الامير عبد الله ( الآن جلالة الملك ) قدم مبادرة اسماها الميادرة العربية تتناقشوا هولها والمبادرة حتي الآن نحن مشغولين بها ...... فعايز اقول إن الحكام العرب بياخدوا اوامر من امريكا وهم بعيدون عنا جداً ....... فحلمت انني قابلت ديك تشيني وانتوني زيني فبقول :
_آل حلمت بديك تشيني جاي وماسك مسيو زيني قال لقيت خنزير وواقع شكله مقرف دمه ساقع شهرته مصاص دماء ( شارون) تكرهه اهل البسيطة تكرهه اهل الجمال هو واقع والعيال راكبين عليه , التفتلي ديك تشيني قالي ممكن حبة ماء ..... قلت ليه قال عشان هيفوقوه قالي اطفال الحجارة قلت مبقاش حجارة فيه حزام ناسف بينسف اللي ممكن يسندوه رد قلي إنت مين ؟ قلت عربي شهرتي الشيخ امين من كبار الفلاحين قلي يااللي المحكومين رحت شاخط وانت مالك إنتو ليه بتفرقونا عن قضيتنا تعزلونا باختصار وإحنا أصحاب القرار ؟ وإحنا اصحاب الاراضي محكومين مش محكومين إحنا فيها الفلاحين ..... فسكت فكر شوية قال فهمت انك انت واعي وانت شيخ الفلاحين هعملك حاكم عليهم والعرب ليك محكومين قلت له ما بلاش هزار قال خلاص خدت القرار ..... انا سرحت وعقلي بالي قالي وافق انت بتفكر في ايه .... داى إاللي قاعدين ع الكراسي ودن طرشة وودن طين والتنقيلك قصر عالي والحرس اعداد كثيرة كلهم بيعظمولي والسفير الاسرائيلي بيناديني الف مبروك الرئاسة انت لازم خذ قرار إنتو ما تخدوش بتار...... للي ماتوا في شوارع واللي ماتوا جوه دار .... ولا تجريف المزارع اللي كان مليان ثمار ..... خللي شعبك كله يرقص او يغني زي مايكل او يكون مشغول بكورة والجوايز والقمار والبنات الفلاحات يلزموا حبة موضات هو مش يلبس عباية هو مش يلبس نقاب هو يمشي بطنه عاري نصف جسمه بدون حجاب زي كل الراقصات خلف عمر بتاع دياب ...... واوعي تحلم بالحضارة والاتحلم باللي فات انت احلم باللي جاي ..... انت خليك عولماني ..... إوعي تبقي مسلماني قلت ماشي عولماني عولماني ......... وقمت مفزوع من منامي ... ولقيت ابني واقف قبالي ...بيقلي ايه القضية من 48 والقضية هية هية ولما جيت آخد الرياسة كله يستخسرها فيا.
الشاعر أمين الديب
علي قناة الحوار الفضائية